KORONADAL CITY – Kasamtangan nga indi maagyan ang Barangay Hinalaan Road sa banwa sang Kalamansig, Sultan Kudarat matapos nga mapagkit ang landslide sa nasambit nga lugar.
Sandig sa impormasyon nagikan sa Local Government Unit sang Kalamansig, gilayon nga nagpatigayon sang clearing operation sa lugar agud makuha ang duta nga nagtabon sa dalan apang tubtob subong nga hapon indi sa gihapon ini maagyan.
Nahibaluan nga napagkit ang pagkatiphag sang duta sa nabukid nga bahin sang Barangay Hinalaan matapos nga makaeksperiensiya sang lugar sang wala untat nga pagbuhos sang mabaskog nga ulan.
Sa karon, ginatinguhaan sang LGU Kalamansig nga matapos ang clearing agud mangin passable na ang nasambit nga dalan.
Kadungan sini, padayon man ang pahanumdom sang mga opisyal nga mangin vigilante kag alerto bangud sa adlaw-adlaw nga naeksperiensiyahan nga pag-ulan.
