Armas kag mga bala, nakumpiska sa isa ka Construction Worker

Nakumpiska sa isa ka Construction Worker ang mga indi lisensiyado nga armas sa implementasyon sang search warrant sang PNP sa Brgy Tambler, General Santos City.

Ginkilala ang nadakpan nga si alyas “Norodin”,37-anyos, may asawa kag residete sang nasambit nga lugar.

Nakuha sa puluy-an ni Norodin ang duha ka unit ang Cal. 45 nga armas nga may kaupod nga mga bala.

Magapangatubang naman ang suspek sa kaso nga paglapas sa RA 10591 (Unlawful possession of firearm and ammunition).

Pahanumdom naman sa publiko sang mga otoridad nga ginadumilian ang paghupot sang mga indi lisensiyado nga armas luthang.