Patay ang 13 ka indibidwal, lakip ang isa ka bata, kag masobra 75 ang napilasan sa Ukrainian drone strike sa Russian republic sang Tatarstan, suno sa mga opisyal.
Naigo sang pag-atake ang syudad sang Nizhnekamsk, nga masobra 1,100 kilometro ang kalayuon halin sa Ukrainian border.
Ginkumpirma sang Ukrainian Armed Forces nga naigo ang Tanevo oil refinery sa lugar.
Suno sa Ukrainian defense technology manufacturer nga FirePoint, FP-1 drones ang gin-gamit sa pag-atake.
Nagdugay sang pila ka oras ang pag-atake kag nagpadayon tubtob aga.
Nagpakita ang mga laragway kag video sang madako nga aso kag kalayo, samtang mabatian ang mga sirena sang air raid.
Suno sa Russia, target man sang pag-atake ang mga industrial facility kag residential areas, apang wala pa ini independente nga na-verify.
Samtang, nagpahayag man sang pagpakig-nong si Tatarstan leader Rustam Minnikhanov sa mga pamilya sang mga napatay kag nagdeklara sang panahon sang pagpangasubo sa rehiyon.
Samtang, nagpadayon man ang mga pag-atake sang Russia sa Ukraine. Sang nagligad nga semana, 21 ka indibidwal ang napatay sa drone kag missile strikes sa Kyiv, samtang lima ang napatay sa artillery attack sa Kharkiv.
