Nagumpisa na ang una nga public truth-telling session sang PH Truth Commission nga gin-organisa sang civil society kag simbahan agod usisaon ang mga kaso sang ginapatihan nga EJKs sa idalom sang war on drugs sang administrasyon Duterte.
Sa pagpanguna ni anay ICC Judge Raul Pangalangan kag paggiya ni Cardinal Pablo Virgilio David, ginpatigayon ang kaso sang 19-anyos nga si Raymart Siapo.
Ginpahayag sang iya iloy nga si Luzviminda nga ginpatay ang iya anak sang 2017 kag gin-akusahan nga nagabaligya sang marijuana.
Suno sa forensic pathologist nga si Dr. Raquel Fortun, nagapakita ang forensic findings sang posibilidad nga ginbuno sang bala sa ulo si Raymart kag homicide ang kaso.
Ginpahayag man ni Fortun ang mga iregularidad sa una nga medico-legal report, samtang ginpabutyag ni Cardinal David ang epekto sang drug war sa mga pamilya sang mga biktima.
Suno kay Pangalangan, importante nga maidokumento ang mga istorya kag ebidensya agud indi malimtan kag maipaabot sa nagakaigo nga mga ahensya kag human rights organizations.
