Nasaksihan sa China ang isa ka pinasahi nga kasal. Ini bangud nga apat ang mga tiil sang groom kag bride.
Paagi sa isa ka outdoor wedding ceremony, nangin mag-asawa ang mga ido nga sanday Bree kag Bond sa atubangan sang ila kasubong man nga mga ido, kag ila tagsa ka mga agalon.
Kaangay sang normal nga kasal, ginpuno sang balloons kag streamers ang wedding venue sang duha ka mga hinuptanan, rason nga nadugangan man ang pagkalangkag sang netizens sang nakita ang ila mga litrato online.
Pahayag sang agalon ni Bree nga si Rye Ling, nga kon ginakasal ang mga tawo, mahimo man ini nga matabo sa ila ‘best friends’ nga mga ido. Si Rye Ling kag nobya sini ang nagplano sang seremonya kag tanan nga mga hilikuton sa kasal.
Santu sa isa ka pagtuon, may 116 million ka mga ido kag kuring sa Urban China sang tuig 2023 kag halos 1/8 sang mga Chinese ang nagapanag-iya sang kasapatan.
