Magabutang sang trese (13) ka border checkpoints ang local governmebt units sang Cotabato agud nga punggan ang pagsulod sang African Swine Fever apisar nga wala pa sang may na-monitor nga nag-positibo sa ASF sa Midsayap, Cotabato.
Suno kay Midsayap Mayor Rolly Sacdalan, matapos magpositibo sa ASF ang mga baboy sa ilang nga banwa gilayon nga gin-istorya sini ang mga meat vendor nga ginabawa,an anay anng pagkuha sang baboy sa iban nga mga banwa.
Sa subong, sa Midsayap lamang pwede nga makakuha sang baboy ang mga vendor agud ibaligya.
Kaangot sini nagpain sang pondo ang LGU para bantayan ang tanan nga entry kag exit point sang banwa. Suno sa opisyal, 24/7 ang pagahimuon nga pagbantay kaupod ang mga Barangay Peacekeeping Action Team ukon BPAT kun diin sila ang pagahatagan man sang honorarium kag food allowance.
Sa ginpaguwa nga Executive Order ni Mayor Sacdalan, ginhatagan sang otoridad ang mga barangay officials nga kumpiskaron ang mga baboy nga igasulod sa ila mga barangay.
Magluwas sini, ang mga slaughter house lamang ang pwede nga mag-ihaw kag indi ang mga barangay ukon panimalay.
