KORONADAL CITY – Naglab-ot sa halos 80 ka pamilya gikan sa anum ka mga barangay sa Esperanza, Sultan Kudarat ang nangin apektado sang baha matapos nga magbuhos ang mabaskog nga ulan.
Suno kay OCD-12 Information Officer Joriemae Balmediano, wala man nagbakwit ang mga pamilya apang ginsulod sang tubig-baha ang ila mga panimalay.
Magluwas sa banwa sang Esperanza, pila ka mga residente man ang nangin apektado sang baha sa banwa sang Lambayong.
Ang nasambit nga mga lugar nga ginbahaan ang mga makabig nga yara sa “low lying areas’.
Gilayon naman nga naghatag sang bulig ang mga LGU’s sa mga apektado nga residente.
Kaangot sini, nagapanawagan naman si Balmediano sa mga pumuluyo nga nagaistar sa mga landslide kag flash flood prone areas nga mangin alerto kag vigilante sa tanan nga tion ilabi nak un nagabuhos ang ulan.
Nahibaluan nga madamo sang mga lugar sa Sultan Kudarat nga ginamonitor bangud sa ginakabig ang mg aini nga “disaster prone”.
Mangin ang iban nga mga probinsiya sa bug-os nga Soccsksargen region ang ginatutukan man sang Office of the civil defense region 12.
