Nakahanda nga mag-atubang sa igapatigayon nga separar nga imbestigasyon sa Criminal Investigation and Detection Group Regional Field Unit BAR ukon CIDG RFU BAR kun makaangkon sang sang “Senate Inquiry” angot sa kaso sang Firearms Buybust Operation nga ginpatigayon sa Balabagan Lanao Del Sur sang tinalikdan nga Hunyo 22 nga ginkapatay ni Balabagan Chairman Billy Jack Ogca.
Suno kay CIDG Regional Chief PLTCOL Ariel Huesca, lehitimo ang ginpatigayon nga operasyon kun diin wala sang nagluntad nga irregularities, wala sang rubout kag wala sang planting of evidence nga natabo baliskad sa mga akusasyon kag pasibangud ni Balabagan Vice Mayor.
Ginhangkat man ni Huesca ang alkalde nga kun may CCTV footage gid man sila nga ginauyatan nga may natabo nga rubout, looting kag iban pa nga pasibangod sini gamiton na lamang sa imbestigasyon.
Kaangot sini, nakahanda man si Huesca nga ihatag ang kumpeto nga identity sang mga tinawo sini nga nagpatigayon sang operasuyon sa tion nga may mapamatud-an nga irregularities nga natabo sa operasyon.
