KORONADAL CITY- Naglab ot na sa 33 ka mga LGUs sa Rehiyon 12 ang nagdeklara sang susnpension of afternoon face to face classes bangud sa mainit nga panahon dala sang El Niño phenomenon kag hot and dry season.
Ini ang ginpahayag ni Ms. Jorie Mae Balmediano, ang Information Officer sang OCD 12 sa interbyu sang Bombo Radyo Koronadal.
Suno sa iya, bangud sa tuman kainit sang panahon nagdesisyon na lamang ang mga nagkalain lain nga mga buluthuan sa nasambit nga mga lugar.
Ang mga nasambit nga lugar amo ang General Santos City, sa South Cotabato amo ang ginakalakipan sang Polomolok, Tboli, Tupi, Tantangan, Banga, Surallah, Norala , Sto. Nino kag Koronadal City.
Sa Saranggani province naman amo ang ila pito nga LGUs; tanan la 11 nga LGUs sa Sultan Kudarat; Samtang sa Cotabato Province amo ang Kidaawan City, Carmen, Pres Roxas , Kabacan, kag Makilala.
Ipatuman ang alternative delivery modes sang pagtudlo sa mga kabataan agud mapasiguro nga padayon ang ila pagtuon sandig sa ginpaguwa nga DepEd Order No. 37 s. 2022.
Dugang pa sang opisya, luwas sa sobra kainit ang panahon mas ginpakamaayo nga isuspende ang klase bangud may yara na sang mga napagkit nga mga pipila ka mga estudyante kag manunudlo ang nagkabalatian dala sang mainit nga panahaon.
Sa karon, nagapanawagan ang OCD 12 nga magapabilin nga maghalong agud nga luwas sa subong nga tig-ilinit.
