KORONADAL CITY – Patay ang isa ka lalaki matapos nga ini ang magsalpok sa isa ka poste sang Provincial Road sakop sang Purok Katipunan,Brgy.Topland Syudad sang Koronadal.
Ini ang nangin kumpirmasyon ni Police Master Seargent Leo Dimaculangan ang Chief sang City Traffic Section Division sa interview sang Bombo Radyo Koronadal.
Ang napatay nga biktima ang ginkilala sa kay Arben Salvador Biñas 18 anyos soltero kag residente sang Purok Marcos,Brgy.Rotonda sang amo man nga Syudad.
Suno sa nangin imbestigasyon sang mga katapo sang Koronadal City PNP Traffic Section Division,mahibaluan nga ginasubay sang nasambit nga biktima sakay sang iya ginamaniho nga Honda Wave 125 single nga motor ang dalanon sang maglikaw ini sa isa ka nag-ulhot nga bisekleta rason para ini ang madulaan sang kontrol kag tigayon nga magbonggo sa poste.
Bangud sa kakusog sang iya pagpadalagan,nag angkon ini sang seryuso nga kapilasan sa nagkalainlain nga parte sang iya kalawasan nga nangin tunaan sang iya kamatayon
