KORONADAL CITY – Nagapadayon sa karon ang imbestigasyon sang mga otoridad sa nagluntad nga pagpangluthang sa isa ka katapo sang Kapulisan sa Barangay Liwanay, Banga, South Cotabato.
Sa interbyu sang Bombo Radyo Koronadal kay PLTCol. Emerson Policarpio, ang Hepe sang Banga PNP, ginkilala ang biktima nga si PEMS. Jericho Magbanua, MESPO sang Surallah MPS.
Suno pa sa ila nangin imbestigasyon, samtang sakay ang biktima sa iya nga Honda XR 150L nga duag nga puti nga may temporary plate num. 1201-981385 upod ang iya nga bata nga babae sang sila ang ginluthang.
Gilayon nga nagresponde ang mga rescuer agud madala pa sa balay-bulungan ang pulis nga sa karon ang padayon nga nagapaayo.
Gindugang pa sang opisyal nga sa crime scene narekober ang mga ini ang duha ka piraso sang fired cartridge case gikan sa Cal. 45.
Ginplaklaro man sang opisyal nga mismo ang biktima ang nagpahayag nga apat ang mga suspek ang nagluthang sa iya nga kung sa diin ang isa ang nadakpan na sa karon kag nagapabilin sa kustodiya sang mga kapulisan bangud naman sa hot pursuit operation nga ila naman nga ginlunsar.
