KORONADAL CITY – Nagpaguwa sang panibag-o nga Executive Order si City Mayor Eliordo U. Ogena angot sa pagbalik sang klase sa tanan nga lebel sang pribado o pampubliko nga eskwelahan sa syudad sang Koronadal umpisa subong nga adlaw, Nobyembre 22 base sa Executive Order No. 71, series of 2023.
Matapos ang duwa ka adlaw nga suspension sang Face-to-face classes base sa EO No. 68 series of 2023 agud nga mahatagan sang pamaagi ang inspeksyon sa mga buildings tungod sa naeksperyansyahan nga mabaskog nga linog makaligad nga nobyembre 17 2023, nagbalik na sa liwat ang klase.
Kung mahibaluan nga Ginpaklaro sang City Disaster Risk Reduction and Management Office nga luwas ang tanan nga mga pampubliko kag pribado nga edipisyo sa siyudad.
Ginpahayag man ni City Mayor Eloirdo U Ogena nga prayoridad sang gobyerno ang seguridad sang mga pumuluyo agud nga maluwas sa mga posible nga mga kalamidad nga magaluntad kag handom sini ang kooperasyon sang tanan nga kung may yara sang mga insidente gilayon nga igareport sa mga otoridad.
