KORONADAL CITY- Ginakabalak-an sa subong sang pila ka mga Overseas Filipino Workers nga nga trabaho sa Israel ang posibilidad nga pag-usar sang nuclear weapons sang pungsod bangud sa tuman nga kahalitan sang padayon nga pag-atake sang Palestinian group nga Hamas.
Ini ang nangin pahayag ni Mr. Geronimo Lagamo, BINC to Israel sa interview sang Bombo Radyo Koronadal.
Suno sa iya, pila sa mga opisyal sang pungsod Israel sa subong ang naga plano na nga mag usar sang nuclear weapons bangud madamo sang mga sibilyan nga nagkalamatay sa pag-atake sang Hamas magluwas pa sa mga uyat nga mga bihag sang mga ini sa padayon nga kinagamo.
Dugang pa sini, naakig suno pa ang Israel bangud gin-ulamid sang Hamas ang mga inosente nga sibilyan labi na ang mga kabataan kag mga kababaehan.
Suno naman sa isa ka Egyptian intelligence official, makapila na ka beses nga nagpaandam ang Egypt sa Israel nga lauman ang dako nga hitabo.
Samtang, liwat naman nga nagpaandam ang Israel nga lauman ang dalagkuan nga ground operations kasunod sang ginlunsyar nga airstrikes sa Gaza.
Ang mga Israeli troops kag military equipment ang naka-standby na sa border sa Gaza samtang nagahanda ang Israel sa pagbalos sa pagpang-atake sang Islamist militant group nga Hamas.
