KORONADAL CITY- Madamo na sang disgrasya ang nagluntad sa syudad sang Koronadal ang narecord sa talatapan sang PNP Traffic humalin sang bulan sang Enero tubtob Agosto. Ini ang ginpahayag ni PMSgt. Leo Dimaculangan, ang PNP Traffic Investigator sa interbyu sang Bombo Radyo Koronadal.
Suno sa iya, sang Agusto 12, 2023 duha ang nagluntad nga vehicular accident partikularmente sa atubang sang Gensan Drive, Koronadal City sa atubang lamang sang City Hall takna 11;30 sang aga nga gina-imbulbaran sang isa (1) ka tricycle kung sa diin may yara ini sang pasahero nga mag-iloy kag isa (1) ka raider 150.
Kasubong man sang takna 9:10 may yara man sang nagluntad nga disgrasya sa kadalanon partikularmente sa bahin sa Brgy. Carpenter Hill, Koronadal City nga ginaimbulbaran sang duwa (2) ka motorsiklo.
Pahayag pa sang opisyal nga nagluntad ang ini nga disgrasya sa kadalanon bangud sa pag U-turn nga ginatawag kag kadasig man nga pagpadalagan.
Dugang pa sang opisyal nga wala man sila sang pag-untat kag pagpahanumdom nga indi gid magpinadasig sa pagpadalagan kag isa man ini sa mga ginatutukan kag ginapahalong man ang tanan para mahagan-hagan ang nagaruluntad nga disgrasya sa kadalanon.
