KORONADAL CITY- Biktima sang pagpangholdap ang isa ka empleyado sang Department of Education o DepEd-South Cotabato takna alas-6 sang gab i sa overpass sa Barangay Saravia, Koronadal.
Ini ang nangin kumpirmasyon ni Kapitan Greg Presga, sang Barangay Saravia kag ABC President sang Koronadal sa interbyu sang Bombo Radyo Koronadal.
Suno sa iya ang biktima ang ginkilala kay Jennifer Hernandez, DepEd personnel, kag residente sang Purok Maharlika sa nasambit nga Barangay.
Suno sa kapitan, gapanaog suno pa ang biktima sa overpass kag papuli na sa ila nga balay sang hinali na lamang ini ginpalapitan sang duha ka lalaki kag ginkuha ang iya nga may unod nga ATM card, nagkalain lain nga ID, relo, singsing, tablet, cellphone kag cash nga P2,000.
Makaligad ang panghilitabo, gilayon nga nagpalagyo ang suspek sa wala pa nahibaluan nga direksyon.
Dako naman ang pagpati sang kapitan nga indi taga Saravia ang mga suspek bangud indi suno pa kilala sang biktima.
Sa karon, nagapadayon ang ginahiwat nga imbestigasyon kag ginatan aw pa ang CCTV Footage sa lugar agud matumod na ang mga suspek.
