KORONADAL CITY- Patay ang isa ka BIFF supporter kag Terorista nga BIFF nga isa man ka IED courier makaligad ang ginhiwat nga isa ka Law Enforcement Support Operation sa Shariff Saydona Mustapha, Maguindanao del Sur.
Ini ang ginkumpirma ni Lt. Col. Dennis Almoarato, ang Spokesperson sang 6ID Philippine Army sa interbyu sang Bombo Radyo Koronadal.
Suno sa iya, ang suspek ang ginkilala kay alyas Datu Guibo nga subject sa implementasyon sang Warrant of Arrest sang gintingob nga pwersa sang 33rd Infantry (Makabayan) Battalion kag Provincial Mobile Force Company ng Maguindanao del Sur Police Provincial Office.
Suno pa kay Almoarato, nagpadulong kun tani ang mga pwersa sang kasundaluhan kag mangin man mga kapulisan agud ipatuman kun tani ang order sang implementasyon sang arrest warrant sang gilayon lamang nga nagpalupok ang yara sa halos pulo ka mga armado nga kaupdanan sang mga suspek.
Apang gilayon naman nga nakapalagyo ang mga nasambit nga grupo apang si Alyas Datu Guibo ang tuman nga natam an kag gilayon ini nga napatay.
Nakuha sa nasambit nga terorista ang isa ka (1) Cal. 45 Pistol, isa (1) magazine, tatlo ka bala (3) kag (1) Anti-Personnel Mine.
Sa sini nga bahin dako naman ini nga kadalag an sa mga kasuldaduhan kag PNP bangud isa na naman ka indibidwal ang napatay makaligad nga nagahatag lamang ini sang pagpanghadlok sa mga pumuluyo sang South Central MindanaO
