KORONADAL CITY- Naglab ot sa halos 50 ka mga pamilya ang nadulaan sang panimalay bangud sa ginhiwat nga demolition sa atubang sang Ecoenerygy sa National highway, Brgy. Silway 8, Polomolok, South Cotabato.
Ang mga apektado ang nagdangop sa Bombo Radyo agud mapalab ot ang ila naman nga pagpanawagan kay Mayor Bernie Palencia.
Suno pa sa impormasyon, wala suno pa sang legal nga dokumento nga ginkaptan ang mga residente nga naga istar sa nasambit nga lugar amo nga ginpahalin sila.
Apang sa interbyu sang Bombo Radyo Koronadal kay CD Arayan, isa sa mga apektao nga residente, nagpanindugang sila nga may mga kinamatarong sila nga mag istar sa lugar bangud madugay na sila sa nasambit nga lugar kag wala suno pa sila insakto na proseso ang ginhimo nga pagpahalin sa ila.
Sa karon, ginpahayag sini nga indi suno pa makatarungan ang ginhimo sa ila amo nga nagadahom sila nga mabuligan sila sang LGU Polomolok.
