KORONADAL CITY- Nag umpisa na ang nilibo ka mga Muslim sa bug-os nga Mindanao para sa engrande nga selebrasyon Ramadan humalin kahapon nga adlaw .
Ini ang ginpahayag ni South Cotabato Muslim Affairs Chief Sultan Mutalib Sambuto sa interbyu sang Bombo Radyo Koronadal.
Suno kay Sambuto, gin-anunsyar sang National Commission on Muslim Filipinos o NCMF nga pormal nga ginselebrar Holy Month of Ramadan.
Ginpahayag pa ni Sambuto nga ang moonsighting committee sa pagpanguna sang Bangsamoro Darul Ifta, amo ang naghatag sang signal sa selebrasyon.
Kaangot sini, gin-awhag ni Sambuto ang tanan nga mga Muslim sa Mindanao nga magpartisipar sa mga pagtililipon kag pangamuyo sa mga mosque kag open spaces ang mga Muslim Filipinos labi na gid nga ang ila nga pagpangamuyo ang naga sentro sa kalinong sa bug os nga pungsod.
