KORONADAL CITY – Natalana nga igapatuman sang Department of Trade and Industry ang pagpasaka sa suggested retail prices SRP sang mga basic necessities and prime commodities sa bulan sang Enero 2023.
Sa interbyu sang Bombo Radyo Koronadal kay Ms. Flora Gabunales, Regional Director sang DTI 12, ginpahayag sini nga ginatun-an sang ahensya ang price adjustment requests nga nagalakip sang 55 out of 218 stocks keeping units nga ila nga gina-monitor.
Lakip sa mga produkto nga naga-request sang price hike amo ang canned goods, milk, bread, instant noodles, laundry soap, salt, soy sauce, toilet soap, kag candles.
Pila sa mga rason sa gina-request nga price hike amo ang pagsaka man sa presyo sang raw materials, packaging materials, production kag logistical support.
Una naman nga naga-reklamo ang mga konsumidor sa nagapanglalapaw nga presyo sang Noche Buena items subong nga Disyembre apang gin-athag sang Department of Trade and Industry nga wala sila sang kontrol diri bangud justified ini nga presyo.
