KORONADAL CITY – Ginbisita sang mga himata sang Ampatuan massacre ang Sitio Masalay, Barangay Salman, Ampatuan, Maguindanao kahapon, Nobyembre 20,2022 agud ikomemorar ang mapait nga gin angkon sang ila sini pinalangga sa kabuhi.
Kaupod sa mga nagpadulong ang pamilya ni Bombo Bart Maravilla, anay nga chief of reporters sang Bombo Radyo Koronadal kag isa sa 58 ka biktima sang makahiridlis nga krimen.
Sa interbyu sang Bombo Radyo Koronadal kay Jhan Chienne Maravilla, bata ni Bombo Ernesto “Bart” Maravilla, nga isa sa mga biktima sang makahiridlis nga masaker ginpahayag sini nga apisar 13 na ka tuig ang naglabay halin sa natabo ang massacre halos indi pa suno nila pa ini madawat kag malimtan.
Sa karun, ginapatihan pa sa gihapon sini nga “partial justice” ang naangkon sang ila sini nga amay bangud sa may mga myembro pa sa gihapon sang political clan nga Ampatuan ang wala pa nadakpan.
Luwas sini, may mga iban pa gid nga lakip sa krimen nga luwas sa gihapon kag wala pa nakabayad sa ila sini ginpanghimo.
