KORONDAL CITY – Nagapadayon sa karon ang imbestigasyon sang mga otoridad sa pagpangluthang-patay sa duha ka mga collector sa bahin sang Barangay Pagatin, Datu Salibo, Maguindanao.
Ginkilala sang kapulisan ang mga biktima nga sanday Ninonel Bentoy,28 yrs old ka Carl Denilla, 20 years old nga lunsay mga residente sang Pikit North Cotabato.
Naguwa sa imbestigasyon sang Datu Salibo PNP sa pagpanguna ni Major Roldan Kuntong, naghalin sa Barangay Sambulawan, Datu Salibo ang mga biktima sakay sang Bajaj motorcycle sang hinali na lamang nga ginsundan sang riding in tandem suspects kag hinali nga ginpangluthang.
Naukiban nga Caliber .45 kag caliber 9mm pistol ang gingamit sang mga suspek sa pagpatay sa mga biktima matapos marekober ang siyam ka mga empty shells.
Nahibaluan nga ang mga biktima ang nagapautang sang mga gamit sa sulod sang panimalay kasubong sang plasticwares, sofa kag iban pa.
Lunsay ulo naman ang igo sang mga biktima nga gintunaan sang ila gilayon nga kamatayon.
Isa sa mga ginasundan nga anggulo sang Datu Salibo PNP amo ang robbery bangud ginkuha man sang mga suspek ang motorsiklo kag bag sang mga biktima nga may unod nga kwarta.
