KORONADAL CITY – Patay ang isa ka lalaki samtang pilason naman ang isa pa ka biktima sa panibag-o nga kaso sang pagpangluthang pasado sa National Highway sang Purok Capilar ,Brgy. Poblacion sa banwa sang President Quirino Sultan Kudarat.
Ang nqpatay nga biktima ang ginkilala sa kay Marjohn Corpuz Valdez samtang ang pilason amo si Wardenson Corpuz, lunsay yara sa legal nga mga panuigon kag mga residente sang Brgy. Suben sa banwa sang President Quirino Sultan Kudarat.
Suno sa imbestigasyon sa President Quirino PNP, sakay ang mag-utod sa isa ka Hand Tractor ukon Kuliglig sang ginsugata sang riding in tandem kag ginpalukpan.
Sakay ang mga suspek sa itom nga Bajaj nga motorsiklo sang ginhimo ang krimen kag gilayon man nga nagpalagyo sa wala mahibaluan nga direksyon.
Narekober sa Crimescene ang 7 ka mga basiyo sang wala pa mahibaluan nga sahi sang armas luthang.
Sa karon nagadayon ang hot pursuit operation kag ang imbestigasyon sang mga katapo sang President Quirino PNP sa pagkilala sa mga suspetsado.
