KORONADAL CITY- Temporaryo nga ginsuspender ang klase sa Sta Cruz Mission Lem Ehek High School sa banwa sang Lake Sebu, South Cotabato mataposnga masudlan suno pa sang malain nga espiritu ang halos 20 ka mga senior high school students.
Ini ang ginkumpirmar ni Mayor Floro Gandam sa eksklusibo nga interview sang Bombo Radyo Koronadal.
Suno kay Gandam, sa halos 20 ka mga estudyante, 18 ang gindala sa emergency sang Municipal Hospital samtang ang isa ang gindala sa RHU.
Matapos suno pa nga magsinggitan ang mga estudyante, nagpangluya ang mga ini rason nga ginpadala sa balay-bululngan kag yara na sa estable nga kondisyon ang mga ini.
Amindado man ang alkalde nga may yara sang daan nga klasrum ang nasambit nga buluthuan nga kinahanglan na nga islan.
Luwas na lamang sa mga dalagko nga mga kahoy nga yara sa palibot sang buluthuan.
