KORONADAL CITY- Preparado na sa karun ang kapulisan sang Koronadal sa palaabuton nga Undas sa Nobyembre 1-2.
Ini ang ginpaklaro ni PLt. Col. Amor Mio Somine, ang Chief of Police sang Koronadal City PNP sa interbyu sang Bombo Radyo Koronadal.
Suno sa iya, may yara na ini nga nahimo nga security operation para sa palaabuton nga undas agud nga mapasiguro sa tanan nga katawhan ukos bug-os nga banwa sang Koronadal agud nga wala sang may magluntad nga anuman nga insidente pag abot sang Undas.
Sa palaabuton nga Octobre 28, igadeploy na ang tagsa tagsa ka mga kapulisan sa nagkalain lain nga mga sementeryo agud mapasangkad ang pagbantay sa lugar.
Dugang pa sini, nga magluwas sa pagbantay nila nagakaangay man nga magsunod ang tagsa ka mga pumuluyo sa ila nga mga guidelines kasubong sang indi pagdala sang mga makahulubog nga ilimnon, mga matalom nga bagay, mga armas kag mga transistor radio para sa katawhayan kag kalinong sang tanan.
