Nagalaum ang isa ka residente sang Koronadal City nga makapauli nga baskog kag luwas si anay President Rodrigo Roa Duterte matapos ang iya una nga public appearance sa ika-tatlo nga status conference sang International Criminal Court ukon ICC kahapon sa The Hague, Netherlands.
Sa interview sang Bombo Radyo Koronadal kay Jolito Mendoza, iya ginpahayag nga padayon ang iya paglaum nga maayo ang mangin resulta sang kaso nga ginapangatubang sang anay Presidente.
Suno kay Mendoza, madamo sang iya ginakabig nga maayo nga nahimo si Duterte para sa pungsod, ilabi na ang iya kampanya batok sa iligal nga droga sang panahon sang iya administrasyon.
Ginpahayag man niya ang iya suporta sa pagpangobyerno ni Vice President Sara Duterte.
Samtang, ginpanawagan ni Mendoza sa kasamtangan nga administrasyon nga tutukan ang nagapadayon nga pagsaka sang presyo sang gatong kag mga nagapanguna nga baraklon, bangud daku ini nga kabudlayan para sa mga yara sa vulnerable nga sektor sang pungsod.
