KORONADAL CITY- Tion na agud magapanumbalik sa normal ang mga pumuluyo batok sa malapanagon nga balatian nga amo naman ang Covid-19.
Ini ang ginpahayag ni Congressman Peter Miguel South Cotabato 2nd District Representative may kaangtanan sa pagpaguwa sang Executive Order ni PBBM nga nagapahayag nga optional na lamang ang pag soksok sang facemask sa pampubliko nga lugar, sa interbyu sang Bombo Radyo Koronadal.
Suno sa iya, tuman na kaulihi ang Pilipinas sa pag implementar sa sini nga polisiay bangud kadam an sa mga lugar sa luwas sang pungsod ang wala na sang protocols sa pagsuksok sang facemask.
Kulukasubong nga normal na lamang ang covid kag na immune na ang tao amo nga tion na nga indi pag obligahon ang mga tao nga mag suksok sang facemask agud amat amat na mangin normal ang pagpangabuhi makaligad ang duha ka tuig nga tuman nga nagastuhan ang mga tao bangud sa facemask.
Nagtimbusok man ang ekonomiya , madamo sang establisyemento nga nagsara, nagpigado ang pungsod- amo nga kinahanglang nga dako nga pamaagi nga amat amat na kita sa normal agud nga magapanumbalik naman pasangkad ang ekonomiya sang Pilipinas.
Kung madumduman,nagpirma sang isa ka executive order si Presidente Ferdinand ‘Bongbong’ Marcos, Jr. nga nagapahanugot sang opsyonal nga pagsuksok sang face masks sa ‘outdoor’, suno sa Palasyo sang Malakanyang.
Suno kay Press Secretary Trixie Cruz Angeles, maga-‘take effect immediately’ ang Executive Order No. 3 nga ginpirmahan sang presidente.
Apang suno kay Angeles, ginapangabay sa gihapon nga magsuksok sang face mask kag mag-obserbar sang physical distancing sa tanan nga oras ang mga indi pa sang fully-vaccinated, senior citizens kag immunocompromised nga mga indibidwal.
