KORONADAL CITY – Apektado sang pagbaha ang banwa sang Banga, South Cotabato, makaligad ang wala untat naman nga pagbubo sang pag-ulan sa ila nga lugar kahapon sang hapon .
Ini ang ginkumpirma ni Mr. Joseph Franco, MDDRMO- Banga sa interbyu sang Bombo Radyo Koronadal.
Suno sa opisyal, ang Barangay Rizal Poblacion ang may yara sang pinakadamo nga apekatdo nga kung sa diin 4 ka purok ang apektado nga ginakalakipan sang Purok Madona, Bayanihan, Pag asa, Bagong Lipunan kag Litik, kag 60 ka mga households ang apektado.
Apektado man ang Brgy. Reyes ilabi na ang Purok Mabuhay nga kung sa diin 42 ka mga pamilya ang apektado kag may 2 ka Pamilya ang gin evacuate bangud sa lampas tao nga pagbaha.
Samtang sa Brgy. Sinco naman apektado man ang 60 ka mga panimalay sa Purok Rizal kag may pipila ka mga infrustructures ang nagkalaguba.
Nagapadayon man ang damage assessment sa Barangay Lamba kag Lambingi bangud sa pipila ka mga infrustructure nga nangin apektado bangud naman sa tuman nga pagbaha.
Samtang padayon man ang pagtsekyar sa Barangay Improgo bangud may yara man sang napagkit nga damages sa amo nga lugar apang indi gid makabig nga extreme.
Nagpalab ot naman sang bulig ang MDDRMO, BLGU sang nagkalain lain nga barangay kag mangin man ang LGU Banga para naman sa mga apektado nga pumuluyo.
Sa karon, padayon ang damage assessment sa ila nga banwa kag padayon man ang pagpaailinton sang MDDRMO nga mangin viligante bangud basi may paga ekspektaron naman nga pagbaha sa ila nga lugar bangud naman sa pag ulan ulan nga wala ginalauman.
