KORONADAL CITY– Naghatag sang komento ang alkalde sang siyudad sang Koronadal sa pihak sang padayon kag asud asud nga mga pabag o bag o nga presyuhanay sang gatong sa taga semana.
Sa interbyu sang Bombo Radyo kay Mayor Eliordo U. Ogena sang Koronadal City, ginpahayag sini nga isa sa krisis nga ginapangatubang sa karon mangin man sang Koronadal ining tuman nga pagsaka sang gatong nga nakahatag man sang perwisyo para naman sang motorista nga kung sa diin apekatdo ang ila naman nga palangabuhian.
Ginpahayag sang alkalde nga mangin sa city hall nagahimu sila sang pamaagi nga masolusyunan ang ini nga problema kag makabulig sa mga drivers.
Ginpaklaro man sang opisyal nga daw kulukasubong nga wala sang may nalipay sa gihapon apisar nga subong nga adlaw epektibo ang pagnubo o kun may yara sang roll back sang petrolyo, bangud ang pipila ka mga drivers ang nagapanawagan nga kun tani mas dakuan pa gid ang rool back.
Sa karon, nagpabutyag man ang opisyal nga siya mismo ang indi kontrolado ang ini nga krisis, amo nga nagapanawagan ini sa tanan nga mga motorista nga kung indi lang man importante ang kadtuan, mas maayo nga likawan na lamang ang pagbiyahe o kun mas maayo nga magkinot sa paggamit naman sang gasolina.
