KORONADAL CITY – Naga kasubo sa karun ang pamilya ni Juanito Baysa isa ka gwardya sa palawan pawnshop sa bahin sang sto.niÑo so.cot sa natabo nga pag luthang sa iya kahapon nga adlaw.
Sa interview sang Bombo Radyo Koronadal kay Mr. Charlie Baliscas Dela Torre, bayaw sang biktima maboot nga klase ka tao si juanito rasun nga wala sila sang may nabal.an nga motibo sa pag pangluthang.
Anay nga guwardya sang Jollibee surallah ang biktima kag myembro man sang kabalikat rescue sa bahin sang Sto. Nino.
Anum palang kuno ini siya kabulan sa ubra humalin sang Enero 20,2022.
Dugang pa sini, naga duty ang biktima alas-8:00am – 5:00pm kag natabuan gid ini sa tion sang iya pagpangyaga.
Dugang pa sini nakita sa CCTV ang pagpangluthang sang suspek nga nagasoksok sang bonnet kag mga isa ka metro lamang ang kalayuon sa biktima.
Naglusot suno pa ang bala sa lapit sang mata ka biktima kag nag deretso pa ini sa bag sang isa ka witness nga nag igo sa surudlan sang iya alcohol.
Isa lamang ang igo sang biktima apang na fatal gid ini rasun sang guilayon nya nga kamatyaon.
Madamo man sang nakakita sa natabo kag willing man ang iban nga mga may CCTV nga mag partisipar sa imbestigasyon.
Hustisya naman ang ginasinggitan karon sang pamilya sini.
Ginaasikaso na sang pamilya ang haya sang biktima kag nakapauli naman ang iya bata nga nagaeskwela sa General Santos.
Nahibaluan nga ang asawa sang biktima ang yara sa abroad.
