KORONADAL CITY- Maga kreer na sang isa ka team sang Office of the Civil Defence Region-12 kaupod na ang tanan nga mga Disaster Risks Reduction Managements Councils(DRRMOs) sa bilog nga rehiyon sa tion nga magpadayon pa ang pag-ulan ukon pagbaha sa bilog nga rehiyon-12.
Ini ang nangin pahayag ni Ms. Joremae Balmediano, Information Officer sang OCD-12 sa interview sang Bombo Radyo Koronadal.
Suno sa iya, nakapreparar na ang ila nga talatapan kag lakip na man ang mga Regional DRRMOs kag Rapid Damage Assesment and Needs Analysis Team (RDANA) sa pagresponder on-ground sa tion nga maglala pa ang sitwasyon sang kalamidad nga dala sang bagyo.
Dugang pa sini, naga preparar man sila sa subong sa mga ginakabig nga mga areas nga dapat nga responderan sa sulod sang Rehiyon.
Naga dahom man ang opisyal nga kuntani indi na magpadayon pa ang pag ulan ulan sa bilog nga rehiyon para man sa pag kay-o sang mga naguba nga mga dike nga naapektuhan sang bagyo.
