KORONADAL CITY – Ginakabig nga strategic area ang Ukraine sa karun para sa pungsod Russia kabangdanan nga daw kulukasubong nga mangin dako ini nga kawad-an sa Russia sa tion nga indi nila makuha ang suporta sini para ugyunan ang mga luyag sang Russia.
Ini ang nangin kabahin sang pahayag ni Atty. Gerard Mosquera, Dean,NDMU-Law School sa interview sang Bombo Radyo Koronadal.
Suno sa iya, kun balikan ang maragtas, anay miyembro sang Union of Soviet Socialist Republic (USSR) ang Ukraine kaupod na ang pila ka mga former forces sang Russia nga crucial sa territoryo sang Russia sa diin mahimo nga mangin alagyan sang naval asset sang Russia padulong sa Mediterranean Sea nga pinaka-importante sa barkong pang giyera sang Russia.
Dugang pa sini, kun makuha sang NATO ang Ukraine kag mangin miyembro nila ini, mangin malapit na ang US forces sa border sang Russia kag madali na lamang nga maka monitor ang US sa Russia.
inakabig man nga isa ka strategic location ang Ukraine sang pungsod Russia bangud direct access in sa Black Sea.
