KORONADAL CITY- Kulukasubong nga mabudlayan ang ang mga driver kung padayon nga magataas ang presyo sang gatong bangud mangin tunaan ini nga maapektuhan ang ila naman nga palangabuhian.
Ini ang ginpahayag ni Rey Feleciano, isa ka driver sa siyudad sang Koronadal sa interbyu sang Bombo Radyo Koronadal.
Suno sa iya, tuman nga maapektuhan sila bangud nahibaluan nga limitado na lamang ang ila makuha nga pasahero bangud naman sa padayon nga pandemya, kag kung ipadayon pa ang pagtaas sang presyo, basi maapektuhan pati ang ila nga inugbakal nga mga kinahanglanon sa sulod sang ila nga puluy an.
Gindugang pa sini nga sa karon, tani mapamatian sang gobyerno national ang ila naman nga mga himumun ot bangud para man ini sa ila nga palangabuhian.
Nahibaluan nga Epektibo sadtong Martes, Pebrero 22, nagpatuman ang mga kumpanya sang gasolina sang pagtaas sang presyo sang P0.80 kada litro para sa gasolina kag P0.65 kada litro ang gintaas para sa diesel, nga nagdala sang year-to-date adjustments sa kabug-san sini nga pagtaas sang P8.75 kada litro para sa gasolina kag P10.85 kada litro para sa diesel.
