KORONADAL CITY – Yara na sa subong sa kustidoya sang mga otoridad ang isa ka anay miyembro sang militar nga nadakpan sang mga otorida sa isa ka checkpoints nga nagdala sang isa ka mataas nga kalibre sang armas-luthang.
Ini ang nangin kumpermasyon ni PMAj. Bryan Baynosa, COP sang Pigcawan MPS sa eklusibo nga interview sang Bombo RAdyo Koronadal.
Ginkilala ang nadakpan nga suspek nga si Akmad Nando Datumanguda alias “NANDO”, 38 years old, may asawa kag residente sang Cotabato City.
Suno sa hepe, nadakpan ang suspek sa ginsimpon nga pwersa sang 1203rd Maneuver Company, Regional Mobile Force Battalion (RMFB) 12, Pigcayawan MPS kag 34th Infantry Battalion, Philippine Army.
Suno sa opisyaL, nabalabagan ang suspek sakay sang isa ka 4 wheeled vehicle nga padulong kuntani sa bahin sang Cotabato City nga naispatan sa check point sang mga otoridad kun sa diin nakita sa backseat sini ang isa ka M-16 rifle.
Bangud napaslawan nga maka presintar sang mga dokumento , gindakop ang suspek pag sa subong ara na sa kostudiya na sang mga otoridad.
Sa subong ginapreparar man sang mga otoridad ang kaso nga paglapas sa Republic Act No. 10591 for unlawful possession of firearms and ammunition.
