-- ADVERTISEMENT --
Ginbawian sang kabuhi ang isa ka senior citizen matapos masunog ang iya puluy-an alas 11:30, Huwebes sang gab-i sa Purok3, Brgy. Pinamulaan, Banisilan, Cotabato.
Ginkilala sang BFP Banisilan ang biktima nga si Ernesto Torres Prodigo, 87 anyos, isa ka balo kag residente sang nasambit nga lugar.
Sandig sa imbestigasyon sang mga otoridad, nagsugod ang sunog sa kwarto kun sa diin nagakatulog si lolo Ernesto.
Bangud sa himo lamang sa light materials ang puluy-an madasig ini nga gintupok sang kalayo kag nalakip sa pagkasunog ang tigulang.
Sa karon ginahibalo pa kun ano ang gintunaan sang sunog kag ang kabug-usan nga damyos sini.
