Luwas nga nakatabok sa Strait of Hormuz ang 81 ka Pilipino nga seafarers sakay sang apat ka barko, sa tunga sang nagbag-o nga tensyon sa tunga sang Estados Unidos kag Iran.
Suno sa Department of Foreign Affairs (DFA), ang mga seafarers sakay sang MV Western Doncaster, MV Vivian Trader, MV Lyng Trader, kag MV Eva Fuji ang maluwas nga nakatapos sang ila paglabay sa Strait of Hormuz tunga sang Hunyo 24 tubtob Hulyo 1.
Nagguwa ang pahayag kasunod sang liwat nga paglala sang inaway sa tunga sang US kag Iran, nga nagpalab-ot sang kabalaka sa seguridad sang mga barko nga nagaagi sa nasambit nga ruta.
Samtang, ginpasalamatan man sang DFA ang United Nations (UN) kag International Maritime Organization (IMO) bangud sang ila bulig sa pagpanalipod sang civilian shipping kag sa pagpatuman sang mga operasyon sa pagpaluwas sang mga seafarers nga naapektuhan sang kagamo.
Bangud sa koordinasyon sang UN kag IMO, nakaevacuate na sang 136 ka barko kag masobra 2,900 ka seafarers nga naapektuhan sang nagapadayon nga kinagamo.
