Ginpamatud-an sang five-time champion nga Brazil ang ila dominasyon sa football field matapos lutuson ang Scotland sa ila nga hamoang sang Hunyo 25, sa iskor nga 3-0.
Ang kadalag-an sang Brazil ang nagserbi nga selyo agud makuha nila ang pinakamataas nga puwesto sa Group C.
Pito ka minuto pa lang sa una nga bahin sang hampang ang gilayon nga nagpakita sang abilidad ang tiglawas sang Real Madrid nga si Vinícius Júnior, matapos makahimo sang sala ang depensa sang Scotland agud mapagkit ang una nga goal, 1-0.
Antes matapos ang first-half stoppage time, nagiskor sa liwat si Vini Jr. para sa iya brace, kabangdanan agud magdako ang deperensya sang South American powerhouse sa 2-0.
Pagsulod sang ika-60 minuto sa ikaduha nga bahin, nakuha sang Brazil ang kadalag-an batok Tartan Army sang mapasulod ni Matheus Cunha ang ikatlo kag ulihi nga goal sang hampang, sa bulig sang isa ka assist halin sa kontra.
Bangud sa kadal-an nga ini, sulod na ang Brazil sa Round of 32 bilang Group C leader.
Samtang, uyat sang Scotland ang 3 points kag nagahulat pa kun makasulod bilang isa sa mga best third-placed teams sa nagapadayon nga World Cup 2026.
