KORONADAL CITY – Yara na sa kustodiya sang mga otoridad ang isa ka 46-anyos nga drug suspect matapos nga maaresto sa ginpatigayon nga buy-bust operation sa Purok 7, Brgy. Dumadalig, Tantangan, South Cotabato.
Ginkilala ni Police Brigadier General Percival Augustus Placer, Regional Director ng Police Regional Office 12, ang suspek nga si alyas “Sam”, 46 anyos, may asawa, caretaker kag residente sang nasambit nga lugar.
Suno kay PBGen. Placer, naaresto ang suspek sang gintingob pwersa sang kapulisan nagikan sa Tantangan Municipal Police Station, PDEA SKPO kag PDEA South Cotabato.
Nakuha sa suspek ang isa ka gamay kag dako nga pakete sang ginapatihan nga shabu kag Php1,000.00 bill bilang buy-bust money.
Ang pagkaaresto sa suspek ang bunga sang madinalag-on nga kampanya kontra sa ilegal nga droga.
