All set na ang South Cotabato delegation para sa Batang Pinoy 2025 sa General Santos City. Sa interview sang Bombo Radyo Koronadal kay Paul Rey D. Millan, South Cotabato Sports Coordinator. Ginpahayag sini nga kompleto na ang preparasyon halin sa transportasyon, billeting, uniform, pagkaon, hasta sa staff. Luwas diri may 335 ka miyembro ang delegation, 280 diri ang mga atleta. Ginpasiguro sang South Cotabato Sports Coordinator nga may pondo para sa incentives sang mga medalist sa nagkalain-lain nga sports events.
Ini ginlalakipan sang 27 ka mga events, lakip na ang 3×3 basketball, sepak takraw, lawn tennis, table tennis, futsal, gymnastics, boxing, kag madamo pa nga iban. Dugang pa kay Millan nga makadismaya ang ranking sang probinsya sang nagligad nga tuig, apang nagalaum sila nga makabawi subong nga tuig.
Gina-awhag man niya ang katawhan sang South Cotabato nga magpakita sang suporta sa ila mga manugrepresentar sa Batang Pinoy 2025 nga pagahiwaton sa General Santos City.
