Posible nga nabunggo ang ulo sang biktima sang masapwan ini sa irrigation canal sa bahin sang Purok Sto Ñino, Barangay Saravia, Koronadal City.
Ini ang nangin pahayag ni Carlito Carisma, Amo sang Napatay nga Lalaki, sa interview sang Bombo Radyo Koronadal.
Suno kay Carisma, gintinguhaan pa niya nga salbaron ang lalaki pinaagi sa paghatag sang first aid apang napaslawan ini. Ginkilala ang ang napatay kay si Roger Samblan, 40 anyos, mangunguma, kag residente sang Sitio Almontag, Barangay Saravia.
Ginpabutyag pa ni Carisma nga naghapit pa ang lalaki nga napatay sa ila balay agud idul-ong ang iya asawa bangud trabahante man nila ang asawa sini.
Ginpahayag niya nga yara sa impluwensya sang makahulubog nga ilimnon ang lalaki kag may dala pa ini nga ilimnon antes nag padul-ong sa irrigition canal agud maligo.
Bangud sini, nagpanawagan si Carisma sa publiko nga likawan ang pagligo sa nasambit nga irrigational kanal ilabi na kun yara sa impluwensya sang makahulubog nga ilimnon agud malikawan ang nasambit nga insidente.
