Dako ang kalipay kag pagpasalamat sang Rank 4 sa nagtakop nga March 2026 Licensure Examination For Teachers sa nabaton nga kadalg-an sa kabuhi.
Sa interview sang Bombo Radyo Koronadal kay Philip John Gevero, LPT, iya ginaphayag nga overwhelmed kag wala pa naga-sink in sa iya huna-huna nga nagtakop siya sa rank 4 nasambit nga board exam.
Ginpakigbahin ni Gevero nga ginpangamuyo niya ang kun ano ang deserve niya igahatag sang Mahal nga Makaako, gani, dako ang iya pagpasalamat nga mas dako pa ang regalo nga ginhatag sa iya.
Ginpabutyag man niya nga dako nga bulig sa iya kalampusan ang suporta kag pag-ampo sang iya pamilya nga naghatag sa iya sang kusog kag inspirasyon nga padayon nga tumanon ang iya handum nga mangin lisensyado nga magtutudlo.
Bangud sini, ginpabug-atan ni Gevero ang importansya sang determinasyon sa pagtuon, pagsalig sa kaugalingon, kag pagtuo sa Ginoo bilang mga yabi sa kalampusan.
