-- ADVERTISEMENT --
Kalaboso ang isang 21-anyos na lalaki na tinaguriang Top 5 Provincial Most Wanted Person matapos madakip sa operasyon ng pulisya sa Poblacion Carmen, Cotabato nito lamang Disyembre 27, 2024.
Ayon kay Police Lieutenant Colonel Nestor M Maderse Jr, hepe ng Carmen Municipal Police Station, dinakip ang kinilalang suspek na si alyas “Mohaimin”, ng pinagsanib pwersa ng Carmen MPS, 2nd Cotabato Provincial Mobile Force Company, at Cotabato Police Provincial Office, sa bisa ng Warrant of Arrest para sa kasong 2 Counts of Rape na walang kaukulang piyansa.
Sinigurado naman ng pulisya na kanilang ipinaalam sa suspek ang kanyang mga karapatang konstitusyonal matapos ang pag-aresto.
