KORONADAL CITY- Duha suno pa sa halos 100 ka mga OFW’s nga taga Socksargen ang nakapuli na sa Region 12 makaligad nga malakip sa repatriation bangud sa padayon nga Russia-Ukraine War.
Ini ang ginpahayag ni OWWA 12 Regional Director Marilou Sumalinog sa interbyu sang Bombo Radyo Koronadal.
Suno sa iya, ang duha ka ODWs ang lunsya nagahlin sa General Santos City kung sa diin kaupod na sang mga ini ang ila tagsa-tagsa ka mga pamilya.
Nakabaton naman ang mga ini sang bulig-pinansyal halin sa OWWA agud makabulig man sa ila pagtinir sa pungsod.
Samtang yara pa sa halos 100 ka mga OFW halin sa Region 12 ang mas ginpili nga magapabilin sa nasambit nga lugar bangud indi nila mabilin ang ila nga pamilya.
Kadamuan sang mga ini ang nakapanagsawa na sang Ukrainian samtang ang iban naman ang indi luyag madulaan sang trabaho.
Sa karon, ginpasiguro sang OWWA ng padayon ang ila nga monitoring sa mga Pinoy nga apektado sang giyera kag sa mga magbag o pa ang huna-huna nga magpuli na sa pungsod.
Nagpanawagan man ang opisyal sa mga himata sang mga OFW nga kung may mga problema sa ila nga pamilya, ang indi gid magduha duha nga magpangayo sang bulig sa ila nga talatapan.
