Masinadyahon nga ginpakigbahin sang television host nga si Robi Domingo kag iya asawa nga si Maiqui Pineda ang pagbun-ag sang ila una nga bata.
Sa isang video, ginshare sang mag-asawa ang mga sweet kag touching moments sa ospital kun saan makit-an nga karga sang mag-asawa ang ila lapsag.
Sa caption sang post, ginjoke pa sang host ang iya madugay na nga koneksyon sa reality show kun sa diin kinkabig niya nga “Our newest housemate.” ang iya bata.
Nagpalabot man sang pagtamyaw ang ila malapit nga mga abyan kag kasubong nga mga celebrities, lakip sanday Gary Valenciano, Darren Espanto, Maja Salvador, Kim Chiu, Luis Manzano, Alexa Ilacad, Bianca Gonzalez, kag Gabbi Garcia.
Madumduman nga nagumpisa ang relasyon nanday Domingo kag Pineda sang Agosto 2018 kag nagpakasal sang Enero 6, 2024 sa Diocesan Shrine and Parish of San Isidro Labrador sa Pulilan, Bulacan, matapos ang masobra lima ka tuig nga pagupdanay.
