Makapartner sang Filipino tennis star nga si Alex Eala ang tennis legend nga si Venus Williams sa doubles draw sang Bad Homburg Open.
Kaupod man nanday Eala kag Williams ang German player nga si Eva Lys nga nahatagan sang main draw wildcard sa singles competition sang WTA 500 tournament nga pagahiwaton sa Bad Homburg, Germany.
Para kay Eala, na isa ka espesyal nga kahigayunan ang makaupod sa isa ka hubon si Williams, isa ka 7-time Grand Slam singles champion kag ginakabig nga isa sa mga pinakadominante nga tennis player sa maragtas sang tennis.
Samtang, indi ini ang una nga bes nga makaatubang ni Eala si Williams sa court.
Sang Enero, ginlutos nanday Eala kag Iva Jovic sanday Venus Williams kag Elina Svitolina sa Round of 16 sang ASB Classic.
Umpisahan ni Eala ang iya grass-court season sa WTA 125 Birmingham Open subong nga Lunes kun sa diin nakatalana man siya nga magpartisipar sa doubles event kaupod ang Czech player nga si Nikola Bartunkova.
