KORONADAL CITY – Padayon sa gihapon ang ginapatigayon nga imbestigasyon sang mga otoridad kaangot sa nagluntad nga shootout sa Brgy. Avanceña, siyudad sang Koronadal.
Base sa inisyal nga report, gintayaan sang armas sang duha ka suspek ang tag-iya sang motorsiklo nga si Rhea Lorraine Tecson sa banwa sang Tupi kag gilayon nga nagpalagyo pakadto sa siyudad sang Koronadal.
Gilayon naman nga gin-alerto ang mga katapo sang Koronadal PNP, South Cotabato Provincial Mobile Force Company, Highway Patrol Group, Tupi PNP Task Group Marbel kag 27th IB Philippine Army makaligad ang nasambit nga insidente.
Suno kay a ginlunsar nga pursuit operation, diri na-corner sang mga otoridad ang mga suspek kun sa diin nagpalupok ang mga motornappers antes nagpanimalos ang mga otoridad nga tigayon nga ginkamatay sang mga ini.
Narekober sa mga suspek ang isa ka kalibre 38 nga revolver, isa ka makeshift pistol kag mga bala sini, kag ang ginkawat nila nga motorisklo nga ginapanag-iyahan ni Tecson.
