Ginpahayag ni National Bureau of Investigation (NBI) director Melvin Matibag nga ginpushed umano ni Senador Ronald “Bato” dela Rosa ang duha ka babayi nga ahente sang NBI antes siya nagdalagan.
Suno kay Matibag, wala sang natabo nga “wrestling” ukon panapak batok kay dela Rosa, nga lain sa una niya nga pahayag. Ginpahayag niya nga nasamaran lang ang senador sa tudlo sang kamot matapos siya madapa samtang nagadalagan sa hagdanan.
Ginsiling man sang NBI director nga sang nabal-an ni dela Rosa nga igahain na ang warrant batok sa iya, dasig siya nga gintulod ang duha ka ahente kag nagdalagan.
Sa pihak sini, wala pa naghatag sang bag-o nga pahayag si dela Rosa parte sa alegasyon sang NBI. Apang ginsugid man nga gin-angkon sang senador nga nakuha niya ang pilas matapos siya madapa.
Suno pa sa NBI, nadawat nila ang ICC warrant sang Lunes sang aga kag gilayon nga nakig-ugnayan sa Senado, nga sa tion nga amo pa ang liderato ni dating Senate President Vicente “Tito” Sotto III.
May ara man sang intelligence information ang ahensya nga magatambong si dela Rosa sa sesyon sang Senado sa amo nga adlaw, rason nga nagtugyan sila sang mga 40 ka NBI personnel sa sulod kag guwa sang building para sa operasyon.
