Nag-abot na sa ginataya nga $29 billion ang ginastos sang U.S. sa padayon nga gera batok sa Iran, suno sa isa ka mataas nga opisyal sang Pentagon sang Martes (oras sa Amerika).
Mas mataas ini sang $4 billion kumpara sa naunang pagtataya sang nasud sang nagligad nga bulan nga $25 billion lang.
Lakip sa bag-o nga kantidad ang dugang nga gastusan para sa pag-ayo kag pag-ilis sang mga kagamitan, pati na ang operational costs sang militar.
Wala dayon ginpahayag sang Pentagon kon paano eksakto nga nakuha ang kabug-osan nga $29 billion nga kantidad.
Una na nga ginreport sang Reuters sang Marso nga ginataya nga nag-abot sa indi magnubo sa $11.3 billion ang gastos sang Estados Unidos sa una nga anum ka adlaw sang labanan nga ginpangunahan ni U.S. President Donald Trump.
