Ginkwestyon ni Vice President Sara Duterte ang pagpaninguha nga pag-aresto kay Senador Ronald “Bato” dela Rosa gamit ang warrant of arrest sang International Criminal Court (ICC).
Sa isa ka interview sa The Hague, nagsiling si VP Sara nga dapat anay ipresentar sa korte sa Pilipinas ang bisan ano nga warrant of arrest nga nagahalin sa iban nga pungsod antes ini isilbi.
Madumduman nga naaresto man sang Marso 2025 ang anay Presidente Rodrigo Duterte base sa warrant halin sa ICC nga may kalabotan sa war on drugs campaign sang iya administrasyon.
Samtang sina, liwat nagpakita si dela Rosa sa Senado sang Lunes matapos ang anum ka bulan nga wala niya pagdalo sa sesyon. Sa iya pagbali, ginpaninguhaan sang mga operatiba sang National Bureau of Investigation (NBI) nga isilbi sa iya ang arrest warrant halin sa ICC.
Ang warrant batok kay dela Rosa una nga ginpagwa bilang “secret” sang Nobyembre 6, 2025 kag may kalabotan sa mga pagpatay sa tunga sang ‘war on drugs campaign’ sang anay administrasyon.
