KORONADAL CITY – Boluntaryo nga nagbalik sa sabak sang gobyerno ang duha ka miyembro sang communist group nga New People’s Army (NPA) sa banwa sang Tboli, South Cotabato.
Ini ang kabahin sang kampanya sang gobyerno batuk sa insurhensiya kag pag-awhag sa mga rebelde nga magsungka na.
Ang duha ka mga rebelde ang ginhatagan sang direct cash assistance agud makabulig sa ila nga pagpanumbalik sa ila tagsa ka pamilya.
Dako man ang pagpasalamat sang LGU-T’boli sa pagpanguna ni Mayor Keo Tuan, bangud kun iindi tungod DST KARITON Community Care Outreach Activities kag Sitio Empowerment Programs nga gin-align sa implementation kag inisyatibo sang NTF-ELCAC, mabudlayan sa pag-establishar sang peaceful nga negosasyon sa mga ini.
Kaangot sini, ginpasalamatan man sang alklade ang tanan nga miyembro sang PNP kag AFP Special Forces sa padayon nga pagsuporta kag pag-implementar sang mga inisyatibo nga ginaduso para mamentinar ang safety, security kag peace & order sa bug-os nga banwa sang T’boli.
