Kumpiyansa ang House prosecution nga igo kag bastante ang ila mga ebidensya agod mapamatud-an nga may salabton si Vice President Sara Duterte sa impeachment trial, bisan ano pa ang voting threshold nga pagadesisyunan sang Senate Impeachment Court.
Suno kay anay Surigao del Norte Representative kag prosecution spokesperson Ace Barbers, klaro nga ginapakita sang mga ebidensya nga ginpresentar sang prosecution ang ila mga alegasyon sa apat ka Articles of Impeachment.
Apang ginpahayag ni Barbers nga yara sa Senate Impeachment Court ang desisyon kon ano ang mangin voting threshold kag mga patakaran nga pagasundon sa trial.
Samtang, suno kay 1-Rider Partylist Representative Rodge Gutierrez, pagahisgutan sang prosecution panel ang ila posisyon tuhoy sa voting threshold antes ang oral arguments nga natalana sa masunod nga semana.
